Oond 200 gr C.  Plaas 6 groot aartappels op bakplaat. Prik met vurk en smeer elke aartappel met olyfolie en strooi sout oor. Bak vir 1 uur tot sag. Draai elke aartappel in skoon kombuis vadoek. Maak vulsel of sous.  Sampioensous:  Braai gekapte ui in olie tot sag, voeg gekapte knoffel na smaak by, dan gesnyde, vars sampioene. Roerbraai tot sag en roer dan room by.   Haal aartappels uit vadoek en sny kruis bo-op, druk oop met vingers en skep sous oor.    Tuna vulsel:  Meng gedreineerde tuna met gekapte agurkies en meng met mayonaise. Sny aartappel in helfte, skep van binnekos uit en meng by tuna. Skep terug in skil en strooi kaas oor. Bak in oond tot kaas gesmelt is.