Oond 200 gr C.  Rasper 2 groot tamaties, 2 medium wortels, 1 med ui. Voeg by 750 ml rou maalvleis. Roer ook by: 1 k gevriesde ertjies en mielies, 1 dik sny witbrood, in water geweek, 1 t kerriepoeier, 1 t sout, 2 E worcestersous, 1 E asyn, 2 E chutney en 1 E Bisto-souspoeier. Roer liggies deur en skep in diep bakskottel. Plaas in oond.  Kook 6-8 aartappels, geskil en stukkies gesny, tot sag. Maak kapok-aartappels met bietjie melk, klont botter, sout en halwe t bakpoeier.  Haal vleis uit oond en roer grof-weg met vurk deur. Skep kapokaartappels bo-op. Stip met klontjies botter en bak in oond tot bruin.